.png)
Nga Gazeta Si – Oscar Piastri vazhdoi “momentumin” e tij nga “Provat Sprint” duke arritur një fitore të rëndësishme ndaj George Russell dhe Lando Norris.
Piloti i McLaren mposhti bindshëm rivalët britanikë në garën prej 19 xhirosh.
Piastri u nis saktë nga “pole position” dhe nuk pati shumë kërcënime, nëse nuk do të ishte rënia e performancës së gomave në xhirot e fundit.
Pas tij, Mercedes kontrolloi Norris duke ruajtur vendin e dytë.
Pretendenti i tretë për titull, Max Verstappen, arriti të ngjitej nga vendi i 6 në të 4.
Ndërkohë, Kimi Antonelli fillimisht e mbylli në vendin e 5 pas penalizimit të Yuki Tsunoda-s për tejkalim të kufijve të pistës.
Por edhe italiani mori një penalitet prej 5 sekondash pas finishit, duke e zbritur debutuesin e Mercedes në vendin e 6 pas japonezit.
Fernando Alonso dhe Carlos Sainz plotësuan zonën e pikëve në një garë “Sprint” të diktuar nga menaxhimi i gomave dhe qëndrimi brenda pistës.
Ferrari pati një tjetër garë të mjerueshme. Charles Leclerc ra nga vendi i 9 në start për të përfunduar i 13-ti, pas dy daljeve jashtë pistës, ndërsa Lewis Hamilton e mbylli garën në vendin e 17-të pasi u nis nga “pit lane”.
- Gara për titull Botëror
1. Lando Norris 396 pikë
2. Oscar Piastri 374
3. Max Verstappen 371
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
