Nga Gazeta ‘Si’- Deputeti i Partisë Demokratike, Luan Baçi, pretendon se një prej policëve te Kuvendi e ka kërcënuar atë me armë.
Ai thotë se polici ka nxjerrë armën duke e kërcënuar atë.
“Ne ishim duke hyrë brenda dhe e gjithë policia me skafandra… nxori pistoletën dhe ma vendosi te gjoksi, duke më shtyrë tutje. Ata plehra që janë aty. E nxori pistoletën dhe pastaj nisi të gjuajë me atë. Aty ishin shumë, por me mua u përplasën”, tha Baçi
Akuza ngriti edhe Gaz Bardhi, duke thënë se dy deputetët e PD-së Nallbati dhe Baçi janë kërcënuar me armë nga një prej policëve.
Ndërkohë deputeti Flamur Noka shtoi se askush sipas tij nuk do të mund ta mbrojë këtë qeveri narkosh nga mosbindja civile.
“I them nipit të Enver Hoxhës, që mund të rrijë aty, por ashtu do të tërheqim dhe ty nëse dhunoni deputetët dhe popullin opozitar. E pamendueshme në demokraci që forcat speciale ndërhyrjnë kundër deputetëve për të mbrojtur narkosin. Nuk e mbron dot Elisa SpiroGjokën as nipi i Enverit. Mosbindja civile do të vendosë drejtësinë”, tha Noka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
