Dy të rinj janë arrestuar dhe një tjetër është shpallur në kërkim, me akuzën se posedonin lëndë narkotike në mjetin e tyre.
Policia thotë se kanë rënë në pranga shtetasit, E.M., 21 vjeç dhe X.M., 27 vjeç, të dy banues në lagjen Uznovë, Berat, si dhe u shpall në kërkim shtetasi E.L.
Mësohet se të rinjtë janë ndaluar në aksin rrugor Poliçan-Berat, në vendin e quajtur “Qafa e mullirit”.
Pas sinjalizimit të policisë për të ndaluar, ata nuk i janë bindur urdhrit, por kanë kundërshtuar, duke goditur me mjetin e tyre automjetin e uniformave blu dhe më pas janë larguar nga vendngjarja.
Në këtë moment, policia i është vënë në ndjekje dhe gjatë kësaj kohe, ka konstatuar se këta shtetas kanë hedhur nga mjeti i tyre një sasi lënde narkotike kanabis sativa, e cila u sekuestrua në cilësinë e provës materiale.
Materialet i kaluan Prokurorisë Berat, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
