Gjykata e Lezhës ka dënuar me 10 vite e 9 muaj burg, 60-vjeçarin Mhill Gega i cili në muajin shkurt të këtij viti përplasi me makinë bashkëfshatarin e tij, Mark Gjeta në fshatin Bungaj të Mirditës.
Organi i akuzës arriti të provojë se ngjarja ka qenë e qëllimshme dhe ndaj autorit u ngritur akuza e vrasjes me dashje.
Pasi shqyrtoj dosjen hetimore trupa, gjykuese e kryesuar nga gjyqtari Artan Hajredinaj e gjeti fajtor 60-vjeçarin dhe e dënoi me 16 vite burg, por duke qenë se përfitoj nga gjykimi i shkurtuar ju ul 1 3 e dënimit.
I pandehuri nuk I ka pranuar akuzat për vrasjee. Ai ka pohuar se ka pasur konflikte me viktimën dhe ka pretenduar se ngjarja është e gjitha një aksident, ku sipas tij, makina I ka dalë nga kontrolli duke përplasur 68-vjeçarin.
Policia fillimisht dyshoi për një aksident, por pas veprimeve hetimore në vendin e ngjarjes dhe dëshmive të marra, rezultoj se ishte e qëllimshme.
Mark Gjeta dhe Mhill Gega kishin punuar për disa kohë në të njëjtën ndërmarrje dhe kishin qenë shokë me njëri-tjetrin, por marrëdhëniet e tyre u prishën për motive banale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
