Një aksident i rëndë ka ndodhur mesditën e kësaj të enjteje në superstradën Fushë Krujë-Milot, ku një person ka mbetur i plagosur rëndë.
Policia thotë se një autoveturë tip “Benz”, e cila drejtohej nga Andi Krakulli është përplasur me një makinë tip ‘Opel’ që drejtohej nga Fasli Shala, 21 vjeç, i cili si pasojë e përplasjes është lënduar dhe ndodhet nën kujdesin e mjekëve, jashtë rrezikut për jetën.
Ndërkohë, drejtuesi i mjetit tip “Benz”, Andi Krakulli, është shoqëruar në ambientet e Policisë për veprime të mëtejshme.
Ndër të tjera, policia thotë se grupi hetimor ndodhet në vendngjarje dhe po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
