Një autobus i linjës urbane të kryeqytetit, “Kopshti Zoologjik” është aksidentuar me një tjetër autobus të linjës së Tiranës së Re mëngjesin e të martës.
Si pasojë e aksidentit 4 pasagjerë kanë mbetur të lënduar. Policia bën me dije se të plagosurit u dërguan në spital, për kontroll mjekësor, jashtë rrezikut për jetën.
Mësohet se ka qenë parakalimi i gabuar i autobusit të linjës së “Kopshtit Zoologjik”, ai që ka shkaktuar aksidentin, duke përfunduar më pas i përplasur me murin e Ministrisë së Transportit në qendër të Tiranës.
Grupi hetimor ndodhet në vendngjarje dhe po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
