Gazeta Si – Lidhur me pretendimet e SPAK, mbi përgjimet që i janë bërë Erion Veliajt në qelinë e paraburgimit të Durrësit, ku mbahet i arrestuar, kreu i PD Sali Berisha tha se kur kryebashkiaku i Tiranës e mori vesh, desh humbi ndjenjat në gjykatë.
Sipas Berishës, përgjimi i Veliajt është bërë pabesisht me urdhër të ministrit të Drejtësisë, Ulsi Manja i cili pasi e takoi në qeli kryebashkiakun dha direktivat për vendosjen e çmikave.
“Megjithatë edhe Uluziu ka luajtur rolin e tij. Njeri më të pabesë e më të zi në shpirt se ai nuk ka. I ka shkuar natën si mik duke iu lëpirë Erion Veliajt dhe ka urdhëruar vendosjen e çimkave në të gjitha mjediset. Uluziu është pjesë e këtij kurthi. Kur u ul Erioni në bankën e gjykatës dhe prokurori tha se kemi një dosje shtesë, atij pothuajse i ra të fiktë, as gëk as mëk. Ua them me përgjegjësi se nuk e priste të ishte i regjistruar pasi Uluziu i kishte dhënë çdo garanci. Në asnjë rast, pabesia nuk shpërblehet”- deklaroi kryedemokrati.
Këto deklarata, Berisha i bëri pas daljes së tij nga Prokuroria e Posaçme, ku zbatoi masën e sigurisë”detyrim paraqitje” për aferën “Partizani”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
