.png)
Ceremonia e hapjes së Lojërave Olimpike është në rrezik pas një proteste dhe aksioni të mundshëm për grevë nga më shumë se 200 kërcimtarë që do të marrin pjesë në ceremoninë e së premtes. "Negociatat janë duke u zhvilluar, por ka ende një njoftim se mund të zhvillohet grevë pikërisht ditën e ceremonisë", tha Lucie Sorin, një delegate për sindikatat.
Të hënën, rreth 220 kërcimtarë ndaluan provat përgjatë brigjeve të lumit Senë, ku do të zhvillohet ceremonia e hapjes, për të protestuar ndaj pabarazive në paga dhe kushtet e strehimit midis kërcimtarëve.
“Ceremonia është në një farë mënyre në rrezik. Por kjo do të varet nga solidariteti sepse greva është një vendim individual”, u shpreh Sorin. Ajo tha se kërcimtarët po negocionin me organizatorët e Paris 2024 dhe punëdhënësit e tyre për të marrë paga më të larta dhe një shumë parash për interpretuesit më të pasigurt në performancë.
Ceremonia e hapjes së këtij viti do të jetë e para e mbajtur ndonjëherë në një lumë. Rreth 104 000 njerëz në stendat e lumit Senë do të shikojnë evenimentin. Për vite me radhë, zyrtarët francezë ishin mburrur se rreth 600 000 njerëz do të merrnin pjesë në ceremoninë e hapjes, por ky numër është ulur për shkak të shqetësimeve të sigurisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
