Motosport

Perez niset i pari në Majemi, pas tij Alonso. Vershtapen në vend të 9-të

Gazeta Si – Ka ndodhur gjithçka në kualifikueset e garës së Majemit. Piloti meksikan i Red Bull-it ka shfrytëzuar flamurin e kuq në fund dhe ka regjistruar kohën më të mirë në Florida.

Një ‘dhuratë’ në fakt për Serxho Perez nga Sharl Leklerk, i cili u përplas me murin në fundin e sesionit, duke bërë që kualifikueset të mbyllen para kohe për shkak të flamurit të kuq.

Meksikani do të zërë pozicionin e parë në rreshtim, përpara Aston Martin të Fernando Alonsos. Në rreshtin e dytë do të jenë Sainz dhe Magnusen, kurse Leklerk do të niset nga pozicioni i 7-të.

Nuk ishin kualifikuese me fat për kampionin Maks Vershtapen, i cili do të niset nga vendi i 9-të. Ljuis Hemilton doli jashtë dhe nuk mundi të shkonte në sesionin e tretë të kualifikueseve. Anglezi i Mercedesit e fillon garën nga vendi i 13-të.


Copyright © Gazeta “Si”


Më Shumë