.png)
Shqiptarët e përdorin internetin më së shumti për tu informuar rreth mallrave dhe shërbimeve të mundshme që mund ti blejnë.
Sipas INSTAT, kjo kategori zë 50,2 % të përdoruesve të internetit. Pjesa tjetër e përdorin për marrjen ose dërgimin e email (32,5 %) dhe për të parë filma në internet (live ose të ruajtura online 38,2 %).
Të dhënat tregojnë se Blerjet “online” konkrete janë kryer nga 10,1 % e popullsisë së grupmoshës 16 - 74 vjeç në 12 muajt e fundit, nga momenti i kryerjes së intervistës.
Ndër blerjet “online”, produktet/shërbimet që zënë peshën më të madhe janë pajisjet sportive, veshje 82,6 %, të cilat kanë treguar një rritje nga viti 2018 me 4,0 pikë përqindje.
Kurse grupmosha e personave që përdorin më shumë internetin në 26,1% është ajo mes 25 dhe 34 vjeç.
Në lidhje me shërbimet e qeverisjes, ka një përqindje më të ulët të përdorimit të internetit.
E-qeverisjen shqiptarët e përdorin kryesisht për marrjen e informacionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
