Gazeta Si – Ambientet e Pallatit të Kulturës së Bulqizës, të cilat përdoreshin nga disa biznese me qira, janë liruar këtë të premte nga policia.
Për të bërë të mundur lirimin e tyre, kanë qenë të pranishëm edhe forca të FNSH-së së Shkodrës, edhe pse gjatë ndërhyrjes nuk pati rezistencë.
Edhe pse bashkia Bulqizë kishte njoftuar rreth një muaj më parë pronarët e lokaleve për lirimin e ambienteve, të cilat përdoreshin për biznes, pronarët që ushtronin aktivitetin nuk kishin nisur të largoheshin.
Aksioni për lirimin e ambienteve filloi në orën 04.30 të mëngjesit. Një prej pronarëve që kishte biznesin me qira është ankuar, duke pretenduar për njoftimin e tij me vonesë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
