.png)
Gazeta Si – Tre të rinj nga Turqia, janë arrestuar në Tiranë, pasi dyshohen se kanë përdhunuar në një apartament një 32-vjeçare nga Suedia.
Sipas policisë, në pranga ra 29-vjeçari, Ferhatcan Cicek, nga Stambolli, i dyshuar për marrëdhënie seksuale me dhunë me të rritura.
Po ashtu, janë arrestuar edhe dy të tjerë, 29 dhe 32 vjeç, të cilët dyshohet se kanë qenë të pranishëm në apartament gjatë kohës kur ka ndodhur ngjarja. Ata akuzohen gjithashtu për moskallëzim të krimit dhe përdorim droge.
Sipas burime pranë policisë, ngjarja ka ndodhur në orët e para të mëngjesit të 12 shkurtit. E reja nga Suedia. V.E., u dërgua për ekzaminim në Institutin e Mjekësisë Ligjore, ku u konstatuar shenja dhe dëmtime që përputhen me dhunë seksuale.
Gjatë kontrollit në banesën me qira, policia gjeti dhe sekuestroi një sasi kanabisi. Për këtë arsye, ndaj 29-vjeçarit rëndon edhe akuza e prodhimit dhe shitjes së drogës.
Sipas hetimeve paraprake, ata kanë poseduar dhe konsumuar një pjesë të lëndës narkotike të gjetur në banesë dhe akuzohen për moskallëzim krimi e drogë.
“Specialistët për Hetimin e Krimeve të Komisariatit të Policisë Nr. 2 arrestuan shtetasin turk F. C., 29 vjeç, pasi dyshohet se në një apartament të marrë me qira, ka kryer marrëdhënie seksuale me dhunë me një shtetase të huaj 32 vjeçe. Gjatë kontrollit në këtë ambienti u gjet një sasi lënde e dyshuar narkotike kanabis. Gjithashtu, për këtë rast u arrestuan shtetasit B. O., 29 vjeç dhe M. D., 32 vjeç, pasi dyshohet se kanë qenë prezent dhe nuk kanë kallëzuar për krimin”, thuhet në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
