.png)
Nga Gazeta Si - Trajneri i Kombëtares, Sylvinho në një intervistë për Corriere della Sera ka folur jo vetëm për sfidën me Italinë të shtunën, por edhe për raportin me Roberto Mancinin, dikur ndihmës i tij tek Interi dhe për rëndësinë e disa prej lojtarëve të Kombëtares.
Sylvinho ishte mbrojtës i Arsenalit dhe Barcelonës, me të cilët fitoi dy tituj të Champions League. Më pas te City takimi me Roberto Mancinin ishte vendimtar për pjesën e dytë të karrierës së tij. Të shtunën, trajneri sfidon Azzurrët dhe një pjesë të së shkuarës së tij.
“Gjatë shortit mendova, fatmirësisht nuk është ai në stol. Të luaja kundër tij do të ishte e çuditshme. Gjithsesi me apo pa Mancinin, për ne do të jetë e vështirë. Si një brazilian, Italia më ka bërë për të qarë në 1982 me Paulo Rossin, por unë e dua shumë atë.
Si nisi marrëdhënia juaj me Mancinin?
Isha gati të largohesha. Ka ardhur në dhjetor, më ka kërkuar këshilla edhe pse nuk kam luajtur shumë. Në fund të sezonit më kërkoi të qëndroja në staf, pa tek unë karakteristikat e duhura për këtë punë. Por unë nuk isha gati, doja të kthehesha në Brazil dhe ai e kuptoi. Në dhjetor 2014, megjithatë, ai më thirri në Inter dhe erdha në Milano.
Çfarë ke marrë nga Mancini?
Kam marrë shumë, ai është një menaxher i shkëlqyer, i njeh lojtarët, ka personalitet, lidership, qetësi. Unë shpresoj vetëm që t’i kem dhënë diçka atij.
Ti kishe shumë mësues të tjerë, nga Ëenger te Tite, përmes Rijkaard dhe Guardiola. Janë një pasuri?
I thashë vetes që nëse nuk bëhem trajner i mirë me këta mësues, është vetëm faji im! Mësova të marr diçka nga të gjithë, pa humbur thelbin tim”.
Mësimi i Wengerit?
Ai ishte numri një për menaxhimin, i cili shkoi shumë përtej skuadrës: shumë inteligjent dhe, një detaj veçanërisht i rëndësishëm, shumë i sjellshëm.
Guardiola dhe Rijkaard?
Pep sheh aty ku nuk mund të shihni, ai ka inteligjencë totale, ai luan futboll të mrekullueshëm dhe pak nënvizojnë se sa mirë mbrojnë ekipet e tij. Frank është më afër lojtarëve: falë kësaj ne fituam Ligën e Kampionëve.
Fituat kualifikueset, por shorti iu vendosi në një grup me Italinë, Spanjën dhe Kroacinë, si u ndjetë?
Nuk e morëm keq shortin, dëshirojmë të luajmë kundër më të mirëve. Jemi një përfaqësuese e re, kjo është hera e dytë që marrim pjesë në një Evropian, pas 2016 me De Biasin. Jemi rritur shumë, por duhet të mësojmë akoma më shumë. Duhet ta shfrytëzojmë me përgjegjësi këtë moment, jemi të karikuar.
A është Italia favorite të shtunën?
Është e drejtë që të jetë kështu, por futbolli është i çmendur, mund të ndodhë gjithçka.
Shqiptarët me pasaporta të dyfishta zgjedhin gjithmonë fanellën e kuqe, a mund të bëjë diferencën? Po, ekziston një ndjenjë unike e përkatësisë. Këta djem luajnë për gjyshërit, baballarët, nënat e tyre. Në dhomat e zhveshjes, kur kërcejnë me muzikë shqiptare, u shpërthen dashuria për rrënjët e tyre. E bukur.
A është e rëndësishme për ju kultura e futbollit italian?
Shumë. Unë vetë bëra një udhëtim pesë-vjeçar në Coverciano me Ulivieri. Dhe shumë lojtarë janë stërvitur me Italinë, duke fituar aftësi taktike, teknike dhe atletike. Dhe Kampionati Europian është gjithashtu rezultat i trashëgimisë së lënë nga Reja dhe Panucci si trajner.
Shqiptarët me pasaporta të dyfishta zgjedhin gjithmonë fanellën e kuqe: a mund të bëjë diferencën kjo?
Po, ekziston një ndjenjë unike e përkatësisë: këta lojtarë luajnë për gjyshërit, baballarët, nënat e tyre. Në dhomat e zhveshjes, kur kërcejnë me muzikë shqiptare, u shpërthen dashuria për rrënjët. Është e bukur.
Çfarë prisni nga Italia?
Spalletti është një nga më të mirët, pres një Itali shumë të organizuar, të ashpër, të fortë në tranzicion,, shumë e ashpër në situatat një me një, me bazën e Interit që luan me kujdes.
Krahasuar me vitin 2021 ka shumë ndryshime. Është një proces i natyrshëm. Veteranët si Bonucci dhe Chiellini mungojnë, por Italia ka përvojë, aftësi, posedim, ndjenjë konkurrence. Është e gjitha aty. Dhe përveç kësaj është Barella, i cili pati një sezon të jashtëzakonshëm. Pres që ai të luajë.
Kë do të dëshironit të stërvitje?
Ka dikë që kam trajnuar: Mancini donte të linte një djalë nga ekipi i të rinjve të luante gjerësisht në të majtë, Dimarco.
A është Asllani drejtues teknik?
Ai është rritur shumë dhe është i fortë në lojë. E ka kuptuar se jeta nuk të jep asgjë falas.
A është Gjimshiti lideri moral?
Po, ai pati një sezon të mrekullueshëm me Atalantën. Na jep qetësinë e nevojshme mendore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
