.png)
Qyteti i Lisbonës ka fituar çmimin si destinacioni më i mirë i kuzhinës në Evropë për herë të parë në World Culinary Awards.
Nderimi u dha në një ceremoni të mbajtur në Dubai, dhe ndër qytetet në garë ishin Barcelona, Kopenhagen, Firence, Londra, Parisi dhe Vjena.
Gjithashtu, në event u shpallën edhe fituesit e restoranteve më të mirë të vendeve kur për Shqipërinë u shpall restoranti "Brutal" që ndodhet në Tiranë.
Gastronomia është një nga pikat kryesore kur zgjedh një destinacion turistik dhe Lisbona është njohur prej kohësh për kulinarinë e saj të larmishme dhe cilësore.
Nga restorantet tipike dhe lokale me ushqim tradicional, te restorantet me emër dhe shefat e kuzhinës me yje Michelin që riinterpretojnë shijet klasike, ka një zgjedhje të gjerë që tërheq vizitorë nga e gjithë bota.
Kryetari i Bashkisë së Lisbonës, Carlos Moedas, tha se “është një krenari e madhe të shohësh se identiteti dhe tradita e Lisbonës respektohen për herë të parë në këtë sektor dhe sesi kombinohet inovacioni me këtë traditë gastronomike”.
“Është një njohje e cilësisë së gastronomisë për të cilën Lisbona është kaq e famshme dhe një çmim që inkurajon të gjithë profesionistët që e mbajnë atë gjallë,” tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
