.png)
Shkencëtarët kanë zhvilluar testin e parë të urinës që mund të tregojë shenja të hershme të kancerit të mushkërive. Shumë raste të kancerit të mushkërive diagnostikohen në fazat e mëvonshme, që do të thotë se sëmundja mund të jetë më e vështirë për t’u trajtuar dhe studiuesit shpresojnë se zbulimi i hershëm mund të nënkuptojë që pacientët të marrin trajtim më herët, duke u dhënë atyre një shans më të mirë për ta mposhtur sëmundjen.
Testi pionier kërkon të ashtuquajturat proteina të qelizave “zombie” që mund të tregojnë se një pacient ka kancer të mushkërive në fazat e tij më të hershme. Është testuar me sukses te minjtë dhe shkencëtarët shpresojnë se së shpejti do të fillojë edhe tek njerëzit.
Shkencëtarët nga Universiteti i Kembrixhit dhe Instituti i Kancerit të Hershëm shikuan proteinat nga qelizat e vjetra. Këto qeliza shpesh quhen “qeliza zombie” sepse ato janë të gjalla në trup, por nuk janë në gjendje të rriten dhe të ndahen. Qelizat shkaktojnë dëmtim të indeve duke riprogramuar mjedisin e tyre të menjëhershëm për të ndihmuar në shfaqjen e qelizave kancerogjene.
Tani shkencëtarët kanë zhvilluar një sensor që ndërvepron me proteinat e “qelizës zombie” dhe lëshon një përbërës lehtësisht të zbulueshëm në urinë, duke sinjalizuar praninë e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
