.png)
Nga Gazeta ‘SI’ – Këtë vit, pensioni në Shqipëri do të rritet me 2.5%, sipas vendimit të qeverisë.
Nga ky indeksim përfitojnë 721.398 pensionistë, nga të cilët 65.926 trajtohen me pension invaliditeti dhe 47.905 përfitojnë pensione familjare.
Efektet financiare për zbatimin e këtij vendimi përllogariten në shumën 1.14 mld lekë, të cilat përballohen nga fondi për politikat e indeksimit të pensioneve.
Rritja prej 2.5% do të përkthehet në 490 lekë më shumë për pensionet e qytetit dhe 296 lekë më shumë për pensionet e fshatit.
Indeksimi, që ndodh çdo vit, është norma e rritjes së inflacionit që përkthehet më pas në rritje pensioni. Një vit më parë, indeksimi ishte 4.1%, si pasojë e rritjes më të fortë të çmimeve.
Ndërkohë pensionistët po presin për reformën e këtij tregu, të njoftuar nga qeveria dy vite më parë. Ende nuk ka detaje se çfarë do të ndryshojë në strukturë, por dihet se socialistët po shqyrtojnë mundësinë e rritjes së moshës në pension, por edhe rritje në vlerë parash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
