Nga Gazeta ‘Si’- Ka përfunduar mbledhja e grupit parlamentar socialist. Mbledhja e sotme kishte në fokus diskutimet e seancës për nesër, ku do të diskutohet buxheti.
Drejtuesi i grupit, Niko Peleshi u ka kërkuar deputeteve të jenë të pranishëm dhe aktiv në seancën e nesërme ku do të diskutohet buxheti.
Sa i përket amendamenteve të PD, u është dhënë porosi të gjithë deputetëve që t’i dëgjojnë me vëmendje amendamentet për buxhetin.
Ndër amendamentet e propozuara nga PD përfshihet caktimi i minimumit jetik në 200 euro, rritja e pensioneve dhe deri te shtimi i fondeve për Onkologjikun etj. Ndërsa Partia e Lirisë ndalet tek pensionet, rritja pagave por dhe ndihmës ekonomike kryesisht.
Komisioni përgjegjës për Ekonominë dhe Financat miratoi përfundimisht nen për nen Buxhetin e vitit 2025, me shtesat e kërkuara nga institucionet si edhe rishpërndarjen e parave ndërmjet tyre.
Teksa edhe Komisionet e tjera e kanë votuar buxhetin nen për nen, është caktuar data 3 dhjetor për votimin përfundimtar të tij në seancën parlamentare. Në parim buxheti me një vlerë prej 8.2 miliardë euro u votua në 19 dhjetor mes debateve dhe protestave me 75 vota pro, 40 kundër dhe asnjë abstenim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
