.png)
Në fillim të sesionit të ri parlamentar, kryetari i grupit, Niko Peleshi, mblodhi deputetët të hënën.
Në një takim jo të gjatë (vetëm 30 minuta) Peleshi ka përsëritur porosinë se deputetët duhet të jenë të pranishëm në çdo komision dhe seancë plenare dhe të evitojnë mungesat.
Mësohet gjithashtu se Peleshi ka njoftuar deputetët socialistë se sjellja e opozitës do të jetë agresive.
Sipas tij, përgjigja e grupit socialist duhet të jetë në respekt të rregullores së Kuvendit.
Ndërkohë nuk ka pasur një qëndrim për interpelancën e kërkuar nga kreu i grupit demokrat me kryeministrin Edi Rama e as për çështjen tjetër që pritet të diskutohet që në fillim të punimeve, ajo e mandatit të deputetes Olta Xhaçka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
