Arrihet akordi zyrtar mes klubit katalanas dhe mesfushorit Pedri. “Xhevahiri” spanjoll do të firmosë një kontratë të re, që e lidh me Barcelonën deri në vitin 2026, ndërsa klauzola për prishjen e parakohshme të kësaj kontrate është më e larta e të gjitha kohërave.
Një miliard euro. Kjo është shifra e frikshme e vendosur nga Barcelona për prishjen e kontratës së të riut Pedri, që hyn kështu menjëherë në historinë e futbollit. Kurrë më parë nuk është vendosur një shifër e tillë për të “blinduar” një futbollist të vetëm.
Në sitin e klubit spanjoll shkruhet: “Barcelona dhe Pedro Gonzalez ‘Pedri’ kanë arritur një akord për rinovimin e kontratës deri më 30 qershor 2026. Klauzola e prishjes së saj është 1000 milionë euro. Firma e kontratës së re, që e lidh këtë lojtar për këtë sezon dhe katër të tjerë me Barcelonën, do të hidhet të premten e 15 tetorit”.
Sezonin e fundit Pedri ka hyrë në histori për faktin se ka zhvilluar 73 ndeshje në një vit, një numër shumë i lartë ky për moshën e tij. Tani vijnë edhe shifrat stratosferike nga kontrata e tij e re.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
