.png)
Nga Gazeta ‘Si’- Partia Demokratike, në një kërkesë drejtuar SPAK-ut, ka kërkuar informacion nëse janë nisur hetime për krime zgjedhore.
PD shkruan se SPAK e ka ngritur këtë task forcë dedikuar për hetimin e krimit zgjedhor që në janar të këtij viti dhe thekson se sipas saj ende nuk ka rezultate konkrete.
Gjithashtu PD pyet edhe sa nga këto hetime janë nisur me iniciativën e SPAK dhe sa kanë ardhur si rrjedhojë e denoncimeve/ kallëzimeve.
SPAK ka lajmëruar më herët se gjatë fushatës zgjedhore të 11 majit do të ketë në monitorim edhe krimet zgjedhore.
Ditën e djeshme (1 prill) Kreu i SPAK Altin Dumani, prokurori i përgjithshëm Olsian Çela dhe komisioneri publik i zgjedhjeve Ilirjan Celibashi, zhvilluan edhe një takim në ambasadën e Britanisë në Tiranë ku diskutuan lidhur me hetimet për krimet zgjedhore.
Në një njoftim, Ambasada Britanike tha se mirëpret angazhimin e Shqipërisë për të siguruar që zgjedhjet e 11 majit të jenë transparente, të drejta dhe të sigurta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
