Nga Gazeta ‘Si’- Partia Demokratike ka mbledhur Kryesinë për të diskutuar në lidhje me kandidatin për kryetar bashkie të Tiranës.
Në mbledhje janë Sali Berisha, Gazment Bardhi, Flamur Noka, Oerd Bylykbashi, Agron Gjekmarkaj si dhe grupi që kanë negociuar me aleatët, Belind Këlliçi dhe Ilir Alimehmeti.
Ne këtë mbledhje do diskutohet për kandidatët të cilët, kane shprehur dëshirën për të kandiduar si të pavarur për Tiranën.
Deri tani emri që është zyrtarizuar si kandidat i pavarur është Florjan Binaj, i cili ka marrë edhe mbështetjen e Partisë “Shqipëria Bëhet”.
Ndërkohë Sali Berisha në një konferencë me gazetarët pasi doli nga SPAK tha se PD ka 12-13 kandidatë.
Kushdo emër që do të dalë zyrtarisht nga opozita përballë do të ketë Ogerta Manastirliun, e cila është zyrtarizuar nga PS.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
