.png)
Kryesia e PD-së zyrtare drejtuar nga Lulzim Basha ka akuzuar pjesën tjetër të deputetëve të PD-së së Rithemelimit se bashkë me PS-në po ndërmarrin akte parlamentare që po trysnojnë organet e drejtësisë.
“Bashkimi i votave, si një front i konsoliduar, për të amnistuar veprat penale të korrupsionit dhe sinkronizimi i qëndrimeve kundër SPAK dhe organeve të reja të drejtësisë, janë akte të qarta në këtë drejtim; Si dhe, sabotimi i Komisionit të Reformës Zgjedhore, duke rrëzuar vendimet e Gjykatës Kushtetuese;
Tentativa për mbajtjen në fuqi të sistemit të listave të mbyllura dhe përjashtimi nga e drejta e votës të shtetasve shqiptarë në diasporë;
Janë akte që minojnë ndërtimin e shtetit të së drejtës dhe demokracisë funksionale.
Partia Demokratike e Shqipërisë i konsideron këto zhvillime si një kërcënim për demokracinë dhe rendin ligjor”, thuhet në rezolutën e kryesisë duke përsëritur më tej kërkesat e kahershme që kanë paraqitur për reformën zgjedhore që në thelb synojnë Shqipërinë një zonë zgjedhore dhe lista të hapura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
