.png)
Kryekomisioneri i Zgjedhjeve, Ilirjan Celibashi ka futur në rend dite të enjten shqyrtimin e projektvendimit “Për verifikimin e të dhënave në formularin e vetëdeklarimit të subjektit vetëdeklarues z. Tonin Zef Marinaj, Kryetar Bashkie në Bashkinë Malësi e Madhe, i propozuar nga “Partia Socialiste”.
Vendimi vjen pas padisë që Partia Demokratike adresoi në organin e akuzës për personin në fjalë.
PD pretendon se ndaj Marinajt ka akuza për trafikim të lëndëve narkotike. Sipas dokumenteve të depozituara nga PD-ja, për Tonin Marinajn “Drejtoria Rajonale Antimafia, e Prokurorisë pranë Gjykatës së Firences, njoftonte se pas mbylljes së hetimeve rezultoi se Tonin Marinaj, ishte në rolin e themeluesit, nxitësit dhe drejtuesit të një organizatë kriminale e përbërë prej më shumë se dhjetë anëtarësh, me tipare ndërshtetërore, me baza vepruese në Shqipëri dhe Itali, e angazhuar sistematikisht, profesionalisht dhe në vazhdimësi në eksportimin në territorin italian të sasive të mëdha të mariuanës për t’u shpërndarë me pakicë nga anëtarët e organizatës kriminale”.
Hetimet janë kryer në periudhën kohore 2010-2011.
Tonin Marinaj nga ana tjetër i ka mohuar akuzat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
