.png)
Nga Gazeta ‘Si’- Kolegji Zgjedhor pritet të thotë ‘fjalën e fundit’ për betejën ligjore për rezultatin e zgjedhjeve parlamentare të 11 majit.
Në orën 10:00, do të mbahet seanca për shqyrtimin e ankimimit të PD-së, e cila kërkoi mosnjohjen e rezultatit me pretendimin se procesi është shoqëruar me parregulli dhe shkelje të rënda ligjore.
Relatore e seancës do të jetë Lutfije Celami ndërsa anëtarët Entela Shedula, Alma Kodraliu, Ornela Naqellari dhe Enkel Peza.
Demokratët u shprehën kundër vendimit të Komisionit Rregullator më 28 gusht, që i vendosi ‘vulën’ procesit të 11 majit dhe certifikoi zgjedhjet që shpallën Edi Ramën fitues të 83 mandateve.
Sipas PD-së, këto shkelje janë të dokumentuara dhe të konfirmuara nga raportet e organizatave ndërkombëtare monitoruese, përfshirë OSBE-ODIHR, si dhe nga praktikat e mbledhura gjatë procesit.
Rezultati i zgjedhjeve të 11 majit, që nxori fituese Partinë Socialiste me 83 mandate, u shoqërua me një proces të gjatë ankimimesh nga opozitarët, duke vonuar për disa muaj certifikimin përfundimtar të rezultatit.
Madje, në disa prej qarqeve votat edhe u rinumëruan, por pa asnjë rezultat në favor të opozitës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
