.png)
Gazeta Si- DPSHTRR ka nisur shqyrtimin e praktikës për të ulur moshën e marrjes së lejedrejtimit në 17 vjeç, me kusht që gjatë vozitjes personi të jetë i shoqëruar nga një familjar me historik korrekt drejtim mjeti.
Kjo praktikë është marrë shembull nga Gjermania, ku gjatë një takimi me delegacionin gjerman për shkëmbimin e eksperiencave mbi përfitimin e lejeve të drejtimit në shtetet respektive, u vendos se vendi ynë do të konsiderojë edhe lejet e drejtimit për të rinjtë.
“Me interes të veçantë u ndalëm në temën e praktikës pozitive gjermane për ta ulur moshën e marrjes së lejedrejtimit në 17 vjeç, me kusht shoqërimin gjatë ngarjes së mjetit nga një familjar me historik korrekt drejtimi mjeti”, shkruan në njoftim DPSHTRR.
Takimi u finalizua me firmosjen e marrëveshjes mes dy shteteve për bashkëpunimin në aktivitete të forcimit të sigurisë rrugore dhe edukatës mbi trafikun dhe shfrytëzimit të rrugës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
