.png)
Elon Musk tha të shtunën se kompania e tij e satelitëve, Starlink i SpaceX do të mbështesë lidhjet e komunikimit në Gaza me “organizatat e njohura ndërkombëtare të ndihmës”.
Një ndërprerje e rrjetit telefonik dhe internetit i izoloi njerëzit në Rripin e Gazës nga bota dhe nga njëri-tjetri,hpasi Izraeli zgjeroi sulmet e tij ajrore dhe tokësore.
Organizatat ndërkombëtare humanitare thanë se ndërprerja, e cila filloi të premten në mbrëmje, po përkeqësonte një situatë tashmë të dëshpëruar duke penguar operacionet e shpëtimit dhe duke i penguar ata të kontaktojnë stafin e tyre në terren.
Pas pushtimit të Ukrainës nga Rusia në shkurt të vitit 2022, satelitët Starlink u raportuan të kenë qenë kritikë për ruajtjen e lidhjes së internetit në disa zona, pavarësisht tentativës së bllokimit rus.
Që atëherë, Musk ka thënë se ka refuzuar të zgjerojë mbulimin mbi Krimenë e pushtuar nga Rusia, duke refuzuar të lejojë që satelitët e tij të përdoren për sulmet ukrainase ndaj forcave ruse atje./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
