Nga Gazeta 'SI' - Pasaporta shqiptare është fuqizuar në vitin 2024 dhe mund të aksesojë 123 vende pa vizë. Nga një vit më parë, janë shtuar 5 destinacione dhe është rritur me 5 pozicione në listë duke u renditur e 43-a nga 227 shtete.
Të dhënat e bëra publike nga Indeksi Henley, e rendisin Shqipërinë në fund të vendeve të rajonit, pavarësisht progresit.
Serbia renditet në vendin e 34-të me 140 destinacione, Maqedonia e Veriut dhe Mali i Zi në vendin e 41 me 128 destinacione. Kosova ka përmirësim të ndjeshëm në renditjeje, nga vendi i 92 një vit më parë, tani renditet në vendin e 63 me 79 destinacione, 37 destinacione më shumë.
Singapori vazhdon të mbajë vendin e parë si pasporta më e fuqishme në botë, ndjekur nga Japonia, Gjermania, Franca, Italia, Spanja etj.
Pasaporta e SHBA-së ka pësuar një rënie të lehtë të fuqisë së saj dhe renditet në vendin e tetë.
Lista mbyllet me Afganistanin, Sirinë dhe Irakun, me pasaportën e të cilave mund të udhëtosh në vetëm 26, 28, 31 shtete respektivisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.