Emiljano Shullazi ka lënë qelinë e tij në burgun 313 për t’iu nënshtruar një vizite shëndetësore në ambientet e QSUT.
Mësohet se Shullazi është dërguar në QSUT, nën masa të rrepta sigurie nga ana e policisë.
Nuk dihen arsyet e kësaj vizite shëndetësore apo problemet që paraqet.
Prej disa muajsh, Emiljano Shullazi është i izoluar në regjimin “41 bis”.
Emiljano Shullazi, Gilmando Dani, Endrit Zela, Endrit Qyqa dhe Blerim Shullazi u dënuan dhjetorin e 2018-ës me 55 vite burg për disa vepra penale.
Prej vitit 2018, procesi gjyqësor ndodhet i bllokuar në gjykatën e Apelit, ku herë për mungesë të gjyqtarëve dhe herë për mungesë të avokatëve, kjo situatë nuk po merr zgjidhje, duke u shtyrë pa fund një ndër proceset më të rëndësishme që ndodhet në këtë gjykatë.
Mbrëmjen e së martës (26 janar) edhe Dritan Dajti i dënuar për vrasjen e 4 policëve dhe që aktualisht vuan dënimin në burgun e Peqinit u transportua për trajtim mjekësor në QSUT në Tiranë, me dyshimin se ishte prekur nga Covid-19.
Herën e fundit Dajti u soll në Tiranë për vizitë në një klinikë private, ndërsa më pas u pezulluan disa policë të burgjeve, pasi drejtori i burgjeve nuk ishte njoftuar për këtë lëvizje.
Dritan Dajti është i dënuar për vrasjen e 4 oficerëve të policisë Fatos Xhani, Altin Dizdari, Saimir Duçkollari dhe Kastriot Feskaj në vitin 2009. I dënuar fillimisht me burgim të përjetshëm, atij iu ul dënimi në 25 vjet burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
