Shkencëtarët nga NHS Blood and Transplant (NHSBT) dhe Universiteti i Bristolit kanë bërë një zbulim novator duke identifikuar një sistem të ri grupi gjaku të quajtur MAL.
Identifikimi sapo është publikuar në Blood, revista shkencore e American Society of Hematology. Ekzistenca e këtij sistemi të ri grupesh gjaku hedh dritë mbi një mister mbi të cilin kërkimet kanë vazhduar për 50 vjet, mbi mungesën e një molekule që mendohej se ishte universale në gjakun e çdo njeriu.
Sistemet më të njohura të gjakut sot janë A, B dhe 0, me katër grupe kryesore që të gjithë njohim, A, B, AB dhe 0. Gjithashtu është edhe sistemi i RH që përbëhet nga 50 antigjene të njohur, ndryshe thënë Rh pozitiv dhe Rh Negativ. Por sipas protokollit mjekësor eksistojne 47 sisteme të klasifikimit të grupeve të gjakut, dhe Mal është i fundit që i shtohet listës.
Dyshimet e para të këtij grupi gjaku lindën në vitin 1972 tek një paciente, e cila nuk kishte një molekulë në membranën e rruazave të kuqe, që është e pranishme në 99.99% të rasteve tek çdo njeri. Sot në botë vetëm një grup shumë i vogël personash kanë këtë karakteristike kaq të rrallë, për arsye gjenetike.
Zbulimi është mjaft i rëndësisëhm, sepse rrit sigurinë e jetës së pacientëve në momente të nevojës për transfuzion gjaku. Nëse gjatë një transfuzioni organizmi etiketon si të huaj disa antigjene, ekziston rreziku i komplikacioneve, që mund të rezultojnë fatale për jetën e njeriut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
