.png)
Nga Gazeta 'Si'- Kryeministri i Kosovës, Albin Kurti dhe presidenti i Serbisë, Aleksandar Vuçiç do të takohen nesër në Bruksel.
Sipas agjendës së zbardhur nga BE-ja, ata do të zhvillojnë takime të ndara me shefin e diplomacisë së Bashkimit Europian, Josep Borrell dhe me emisarin special për dialogun, Miroslav Lajçak.
Takimet e ndara me liderët do të nisin nga ora 15:00, për të pasuar me një takim të përbashkët trepalësh. Në mbrëmje pritet dhe një konferencë e Borrell pas përfundimit të takimit.
BE thotë se takimi do të shërbejë për “të vlerësuar atë që është arritur në dialog nën udhëheqjen e përfaqësuesit të lartë dhe do të fokusohet në rrugën përpara”.
Për herë të fundit Kurti dhe Vuçiç janë takuar para 10 muajsh. Në mars është bërë një vit qëkur në Ohër të Maqedonisë së Veriut, të dy ranë dakord që të zbatojnë Aneksin e Marrëveshjes Bazike që ishte arritur në Bruksel, në ditët e fundit të shkurtit 2023.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
