Gazeta Si – Partizani do ta luajë në kryeqytet ndeshjen e Ligës së Konferencës dhe jo në Elbasan. Klubi i kuq ka arritur marrëveshjen me stadiumin “Air Albania” për këtë ndeshje.
Disa ditë më parë u tha se skuadrat shqiptare nuk mund t’i zhvillonin ndeshjet europiane në këtë stadium, sepse do të mbillej bari. Por ky proces duket se është shtyrë dhe Partizani është i pari që konfirmon stadiumin për tifozët e tij.
“Klubi Partizani njofton se ndeshja e kthimit me Saburtalo, e vlefshme për turin e parë të Europa Conference League, do të zhvillohet në stadiumin “Air Albania”.
Impianti i kryeqytetit do të jetë stadiumi pritës i të kuqve për takimin ndaj gjeorgjianëve më 14 korrik, ora 20:00”, – shkruhet në njoftimin zyrtar të klubit kryeqytetas.
Të njëjtën gjë pritet të bëjë edhe Tirana, që merr pjesë në Ligën e Kampionëve, ku do të ndeshet me Dedelanzhe të Luksemburgut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
