Gazeta Si – Partizani ishte shumë afër fitores në stadiumin e Rrogozhinës, por në fund doli me vetëm 1 pikë, pasi Egnatia barazoi në kohën shtesë dhe ndeshja u mbyll 1-1. Të kuqtë mbajnë momentalisht kreun e renditjes me 48 pikë, por mund të kalohen nga Tirana, nëse kjo e fundit mund Kukësin.
Kristian Mba kaloi skuadrën kryeqytetase në avantazh pas 22 minutash lojë. Partizani pati edhe një mundësi për të dyfishuar, ndërsa Egnatias iu anulua një gol i Kasës për pozicion jashtë loje në fundin e pjesës së parë.
Në pjesën e dytë skuadra rrogozhinase shtoi sulmet dhe arriti ta thyente portierin Rexhepi vetëm në minutën e 3-të shtesë, kur Zejnullai gjuajti saktë brenda zonës. Egnatia qëndron në vend të tretë, kurse për Partizanin 2 pikët e lëna sot mund të kenë kosto më tej.
Ndeshja u luajt pa praninë e tifozëve, për shkak të dënimit të fushës së Egnatias nga Komisioni i Disiplinës. Megjithatë, tifozët rrofozhinas e gjetën mënyrën për ta mbështetur skuadrën e zemrës, duke mbushur tarracat e pallateve pranë stadiumit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
