.png)
Gazeta Si – I marrë si i pandehur për aferën e privatizimit të klubit sportiv “Partizani”, Jamarbër Malltezi ka bërë sërish kërkesë në Gjykatën e Lartë për heqjen e masës së sigurisë “arrest në shtëpi”.
Dhëndri i ish-kryeministrit Sali Berisha, kërkon nga Gjykata revokimin e masës së sigurisë tashmë që dosja ka kaluar për gjykim në Gjykatën e Posaçme.
Avokatët e Malltezit argumentojnë se tashmë çështja ka kaluar për gjykim në Gjykatën e Posaçme dhe nuk ekzistojnë më kushtet për mbajtjen e kësaj mase.
Rekursin në Gjykatën e Lartë Malltezi e ka bazuar edhe në vendimarrjen e Strasburgut për çështjen “Gëllçi kundër Shqipërisë”.
Referuar vendimit të Gjykatës Eurpiane të të Drejtave të Njeriut, që në shqyrtimin e ankimit të ish-drejtuesit të Përgjithshëm të RTVSH, Thoma Gëllçi, konstatoi shkelje të Konventës për periudhën e mbajtjes në paraburgim, avokatët e Malltezit kërkojnë shfuqizimin e masës “arrest në shtëpi”.
Malltezi që prej muajit nëntor të vitit 2023 është lënë në “arrest shtëpie” me vendim të gjyqtares Ilirjana Olldashi, e cila ndryshoi vendimin e Shkallës së Parë, duke e liruar nga burgu.
Malltezi akuzohet për korrupsioni pasiv, kryer në bashkëpunim lidhur me dosjen “Partizani” për të njëjtën dosje akuzohet edhe kryetari i Partisë Demokratike, Sali Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
