.png)
Gazeta Si – Partizani në basketboll për femra ka shtuar edhe një trofe në palmaresin e tij. Skuadra kryeqytetase mundi Flamurtarin në sallën olimpike ‘Feti Borova’, në ndeshjen e Superkupës, duke bërë të vetin trofeun për herë të dytë në histori.
Ishte një ndeshje mjaft e fortë, e hapur deri në fund. Skuadra fituese u vendos nga shtesat, çka tregon qartë rivalitetin e madh në parket. Partizani në fund triumfoi me rezultatin e ngushtë 77-74.
Nisja ishte më e mirë për Flamurtarin, që e fitoi periodën e parë 16-10. E dyta ishte e barabartë, 19-19, me vlonjatet që kryesonin 35-29 në pushim. Më pas Flamurtari kaloi një moment të vështirë dhe Partizani përmbysi rezultatin në 46-44 pas periodës së tretë. Në periodën e fundit Flamurtari barazoi gjithçka në 60-60.
U deshën shtesa për të përcaktuar fituesin dhe Partizani ia doli ta mbyllte ndeshjen 77-74. Kapitenia e Partizanit, Ornela Lalaj, e mori trofeun e Superkupës nga presidenti i KOKSH-it, Fidel Ylli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
