Komisioni i Disiplinës pranë FSHF-së ka vendosur sot në lidhje me trazirat që ndodhën në derbin mes Partizanit dhe Tiranës të luajtur në muajin dhjetor, ku tifozët e të dyja skuadrave shkatërruan stolat dhe i hodhën në fushë.
Të dy klubet kryeqytetase janë gjobitur me 100 mijë lekë dhe këtë gjobë duhet ta paguajnë brenda një afati 15-ditor. Nuk është ndonjë shifër e lartë në fakt, duke pasur parasysh atë që ndodhi në stadiumin “Air Albania”.
Vendimet e Disiplinës dhe Etikës
Partizani, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, dënohet me gjobë në masën 100.000 lekë. Partizani urdhërohet të dëmshpërblejë dëmet e shkaktuara në stadiumin “Air Albania” brenda 15 ditëve.
Tirana, për sjellje të gabuar të spektatorëve, hedhjen e sendeve në terrenin sportiv, dëmtimin e mjediseve sportive dhe pajisjeve sportive, dënohet me gjobë në masën 100.000 lekë. Tirana urdhërohet të dëmshpërblejë dëmet e shkaktuara në stadiumin “Air Albania” brenda 15 ditëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
