.png)
Gazeta Si – Partia Socialiste e Shqipërisë ka festuar mbrëmjen e kësaj të mërkure 33-vjetorin e themelimit të saj, e cila që prej vitit 2005 drejtohet nga kryeministri Edi Rama.
Mbështetës, deputetë, ministra, e deri tek figurat e vjetra të kësaj force politike u mblodhën bashkë në këtë 33-vjetor.
Ish-kryetari i Kuvendit, Gramoz Ruçi, ish-deputetja dhe ish-ministrja Alta Dade, Namik Dokle, e Et’hem Ruka u panë nën shoqërinë e kryesocialistit Edi Rama.
Ky i fundit zgjodhi që të ishte fjalëpakë, ndërsa në mes të pranishmëve ‘fjalën’ e tij e përmblodhi me vetëm një frazë: “Rroftë Partia Socialiste”.
I vetmi që mbajti një fjalim të shkurtër ishte sekretari i Përgjithshëm i PS, Blendi Klosi, i cili tha se “sot PS është më e fortë se kurrë dhe gati për të fituar shumë gara elektorale”.
Festa u zhvillua në kryeqytet, në selinë e Partisë Socialiste. Socialistët qeverisin prej 3 mandatesh radhazi në drejtimin e Edi Ramës, ndërsa synojnë të fitojnë edhe një mandat të katërt në zgjedhjet parlamentare të vitit 2025.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
