Paratë përpara principeve dhe moralit. Kjo është akuza nga shumë anë kundër David Beckham. Ish-ylli i futbollit anglez, sipas disa burimeve të shtypit britanik, ka firmosur një akord prej 150 milionë stërlinash për të qenë imazhi i Kupës së Botës 2022 në Katar dhe ambasador i këtij vendi.
“E ftojmë David Beckham të informohet mbi situatën e të drejtave të njeriut në Katar, – ka thënë Sacha Deshmukh, administrator i “Amnesty International Uk”. Më tej ai vazhdon: “Nuk është surprizë që Beckham dëshiron të jetë i përfshirë në një event kaq të rëndësishëm, por ai duhet të njohë edhe situatën shqetësuese, nga keqtrajtimi i punëtorëve emigrantë deri në limitet e lirisë së fjalës dhe kriminalizimi i lidhjeve homoseksuale”.
Like every other footballer – money talks. No footballer has the moral authority to lecture us on BLM, racism, green issues, social policy. ‘Kick the ball. Get paid millions. Shut your mouth – everything else is hypocrisy.’ https://t.co/jIetleMwmF
— Nick Buckley MBE (@NickBuckleyMBE) October 24, 2021
Sipas “Amnesty”, duhet bërë më shumë që Kupa e Botës të lërë pas diçka pozitive dhe të transformojë situatën e të drejtave njerëzore në Katar. Për momentin, pavarësisht disa reformave, punëtorët emigrantë vazhdojnë të mos paguhen dhe autoritetet nuk kanë mundur të hetojnë për mijëra të vdekur gjatë 10 viteve të fundit, pasi ka një lidhje mes këtyre vdekjeve dhe kushteve të punës.
Beckham është ambassador i Unicef-it dhe për këtë arsye zgjedhja e tij për të sponsorizuar Katarin i ka zhgënjyer të gjithë. Në rrjetet sociale shumë persona kanë shkruar se Beckham ka preferuar paratë para moralit. “Ka bërë një gabim shumë të madh dhe shpresoj që ta rishikojë vendimin”, – ka thënë Peter Tatchell, aktivist i LGBT+, për “The Mail On Sunday”.
David beckham to sign £150m deal to be face of Qatar World Cup, does he not realise that allegedly 6500 construction workers died building the infrastructure and stadiums over last 10 years. Human slavery in the extreme. Money before morals 😡
— Jeff Taylor (@jeffctaylor26) October 25, 2021
Edhe Rothna Begum, e impenjuar për të drejtat e grave, u shpreh e zhgënjyer: “Ata që paguhen për të promovuar Katarin dhe që janë në favor të grave dhe të drejtave të tyre, duhet të përdorin pozicionin e tyre dhe të informohen mirë për atë që ndodh”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
