.png)
Nga Gazeta 'SI' - Komisioni Europian vlerëson se liderët e turizmit për këtë vit janë vendet e Europës Jugore dhe të Mesdheut.
Specifikisht, KE përmend Shqipërinë si një ndër vendet që parashikohet të ketë një sezon të mirë veror dhe se do të rrisë fuqinë e saj në industrinë europiane të turizmit me 86%.
Shqipëria pritet të ketë performancën më të mirë, në raport me vendet e tjera të rajonit, por edhe destinacionet tipike si Mali i Zi, Greqia, Italia dhe Portugalia.
KE thotë se Shqipëria është tërheqëse për turistët e huaj për shkak të çmimeve të lira dhe për faktin se nuk njihet, duke i ofruar kështu udhëtarëve eksperienca unike.
Po ashtu, vizitat në Shqipëri, shpjegon raporti favorizojnë dhe vendet e tjera të mbipopulluara nga turistët.
Raporti i Komisionit thotë se Europa po përballet me një rritje të vizitorëve aziatikë.
Sektori i udhëtimeve vazhdon të preket nga sfida serioze. Turizmi po përballet me kosto të rritura të akomodimit, biznesit dhe fluturimeve, bashkë me shkurtimet në fuqinë punëtorë.
Kostot e rritura, parashikon KE, do t’i sjellin Europës një vlerë prej 800.5 mld eurosh gjatë të gjithë vitit.
Vendet që pritet të kenë më shumë fitime janë Spanja (+25%, Greqia, (+25%), Italia (+20%), Franca (+16%).
Liderët rajonalë do të jenë vendet e Europës jugore dhe Mesdheut.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
