Parashikimi i Institutit të Vjenës: Ekonomia e Shqipërisë rritet me 3.7%

Nga Gazeta ‘SI’ – Instituti i Vjenës ka parashikuar një rritje prej 3.7% të ekonomisë shqiptare gjatë 2025-s, 0.1 pikë përqindje më pak se në raportin e shkurtit. Për vitin 2026, ekonomia e vendit do të rritet me 3.9%.

I gjithë rajoni i Ballkanit do të zgjerohet me 3% nga 2025-a.

Shqipëria do të ndjejë një rritje të lehtë të inflacionit gjatë këtij viti, sipas raportit, në 2.7%.

“Këto të dhëna konfirmojnë qëndrueshmërinë strukturore të rajonit përballë goditjeve të jashtme dhe nënvizojnë rëndësinë e forcimit të kërkesës së brendshme si amortizator ndaj zhvillimeve gjeopolitike dhe ekonomike ndërkombëtare”.

Instituti i Vjenës parashikon se tregjet e Europës Lindore do t’i përballojnë më lehtë goditjet e tarifave të Trump.

“Volumi i drejtpërdrejtë i tregtisë ndërmjet këtyre vendeve dhe SHBA-ve është gjithsesi i ulët, dhe dëmi dytësor i lidhur me varësinë e tyre nga industria gjermane, e cila varet shumë nga eksporti, pritet të mbetet i menaxhueshëm,” tha Richard Grieveson, zëvendësdrejtor i ëiië dhe autor kryesor i raportit. Sipas tij, ashtu si në të kaluarën kur rajoni është goditur nga tronditje të jashtme, vendet me tregje të brendshme më të mëdha – siç është Polonia – do të jenë më të afta për të përthithur ndikimin negativ dhe për të ruajtur qëndrueshmërinë ekonomike.

Ndër vendet lindore anëtare të BE-së, Polonia do të jetë sërish e para për sa i përket rritjes së PBB-së, me 3.5% të dyja këtë vit dhe më pas; do të pasohet nga Kroacia, me 2.8% si në vitin 2025 ashtu edhe në vitin 2026. Gjashtë vendet e Ballkani Perëndimor do të zgjerohet mesatarisht me 3% në 2025 dhe 3.6% në 2026, ndërsa Turqia do të rritet me 3.5% në 2025 dhe 4% në 2026.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

Lajme të lidhura