Sekretari i Përgjithshëm i NATO-s Mark Rutte thotë se është në bisedime me vendet evropiane që nuk shpenzojnë 2% të buxhetit të tyre për mbrojtjen, duke paralajmëruar se mund të marrin një telefonatë nga Donald Trump nëse refuzojnë.
Duke folur në një konferencë shtypi së bashku me Presidentin e Sllovakisë Peter Pellegrini, Rutte tha se vetëm 23 vende kanë arritur shifrën prej 2% ndërkohë që NATO përbëhet nga 32 anëtarë.
“Ka disa vende që nuk po shpenzojnë 2%, dhe unë po angazhohem me ta në mënyrë aktive dhe intensive për t’u siguruar që ata të shpejtojnë për të arritur këtë shifër” tha ai.
“Unë u them atyre, nëse nuk reagoni ndaj telefonatave të mia, mund të telefonoheni nga dikush tjetër në Uashington,” shtoi Rutte, duke iu referuar Trump, i cili u ka bërë thirrje vazhdimisht vendeve evropiane të rrisin shpenzimet e tyre të mbrojtjes.
Ai shtoi se garancitë evropiane të sigurisë për Ukrainën nën një marrëveshje të mundshme paqeje me Kremlinin do të duhej të mbështeteshin nga SHBA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
