Qytetarët që janë vaksinuar kundër Covid-19 mund ta transmetojnë virusin te të tjerët dhe duhet të vazhdojnë të ndjekin rregullat njësoj si më para.
Paralajmërimi vjen nga Anglia, ku Prof Jonathan Van-Tam, zëvendës shef i Mjekësisë thekson rëndësinë e vazhdimit të ndjekjes së udhëzimeve, edhe pas marrjes së vaksinimit COVID-19.
Ai theksoi se shkencëtarët “nuk e dinë ende ndikimin e vaksinës në transmetim”.
Prof Van-Tam tha se “asnjë vaksinë nuk ka qenë kurrë” 100% efektive, kështu që nuk ka mbrojtje të garantuar.
“Edhe pasi të keni marrë të dyja dozat e vaksinës, ju përsëri mund t’i transmetoni Covid-19 dikujt tjetër dhe zinxhirët e transmetimit do të vazhdojnë më tej,” tha Prof Van-Tam.
Ai kërkon që të respektohen masat, njësoj sikur para vaksinimit.
“Nëse ndryshoni sjelljen tuaj, ju akoma mund të përhapni virusin, duke vënë në rrezik të tjerët që gjithashtu kanë nevojë për vaksinën, por janë më poshtë në radhë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
