.png)
Gazeta Si – Novak Gjokoviç, pavarësisht mrekullisë së 7-të në Uimbëlldon, ka humbur 4 pozicione në klasifikimin ATP të publikuar sot. Ai ka zbritur në vend të 7-të. Një paradoks për tenistin serb, që triumfoi në turneun e fundit Slam.
Rusi Danil Medvedev mbetet numri 1 në botë, edhe pse nuk u lejua të luante në barin londinez. Ishte vendimi i organizatorëve të turneut për të përjashtuar tenistët rusë dhe bjellorusë për shkak të pushtimit të Ukrainës.
ATP e kundërshtoi këtë vendim dhe më pas vendosi të mos jepte pikë në renditjen botërore, kështu që Gjokoviç ka humbur 2000 pikët, që i kishte fituar vitin e kaluar me fitoren në Uimbëlldon.
Nik Kirgios, i mundur në finale nga Gjokoviç, ka humbur 5 pozicione, duke zbritur në vend të 45-të. Përfituesi kryesor nga mosdhënia e pikëve në Uimbëlldon është Rafael Nadal. Spanjolli humbi gjysmëfinalen për shkak dëmtimi, por në renditje ka fituar një vend. Ai është ngjitur në vend të 3-të.
Klasifikimi i ri ATP, 10-shja më e mirë:
1.Danil Medvedev
2.Aleksander Zverev
3.Rafael Nadal
4.Stefanos Tsitsipas
5.Kasper Rud
6.Karlos Alcaraz
7.Novak Gjokoviç
8.Andrei Rublev
9.Feliks Auger-Aliasime
10.Janik Siner
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
