Kompania gjigande e bizhuterive Pandora ka ndaluar përdorimin e diamanteve të dala nga minierat në bizhuteritë e tyre. Ky vendim vjen për çështje etike dhe mbrojtjen e të drejtave të njeriut pas raportimeve disavjeçare nga punonjës dhe gazetarë për abuzimin që bëhet me minatorët që nxjerrin diamantët.
Vitin e kaluar Pandora dhe kompani të tjera bizhuterish hoqën dorë edhe nga floriri dhe argjendi i nxjerrë nga minierat, duke u orientuar drejt materialeve të çmuara të krijuara në laborator.
Materialet e vlefshme që krijohen në laborator janë të njëjtat me ato të nxjerra nga minierat, por me çmim më të ulët dhe më pak njerëz të abuzuar. Vlera e tyre është sa 1/3 e diamanteve natyrorë.
Gjatë 2020-ës Pandora punoi mbi 85 milionë gurë të çmueshëm, nga të cilat vetëm 50 mijë ishin të nxjerrë nga toka.
Pandemia uli vlerën e diamantëve me 15% gjatë gjithë vitit të shkuar dhe produkti i diamanteve bruto ra me 20%, ndërsa vlera me 11%.
Diamantët e krijuar në laborator nga Pandora janë të përbëra nga 60% karbon me energji të ripërtëritshme. Kjo vlerë parashikohet të shkojë në 100% vitin e ardhshëm. Deri në vitin 2025 Pandora synon të përdorë materiale të riciklueshme në bizhuteritë që prodhon të përbëra kryesisht nga karboni.
Gjatë vitit të shkuar, kompania më e madhe e bizhuterive në SHBA, Tiffany&Co i pajiste klientët e saj që blinin dhe preferonin diamantë të nxjerrë nga miniera me informacione të rrugëtimit të një guri të tillë deri në dyqan gati për tu shitur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
