Shitësit me pakicë më shumë se kurrë janë mbështetur në platformën cloud për të përfituar nga një rritje e blerjeve në internet pa mbingarkuar sistemet e tyre të teknologjisë së informacionit.
E nxitur nga pandemia e koronavirusit, rritja e shpejtë në tregtinë elektronike është një përfitim për shumicën e shitësve të mbështetur në cloud, por veçanërisht ata që janë mbështetur në njësinë e shërbimeve të cloud të Google.
Google Cloud, pjesë e Alphabet Inc., sështë shumë mbrapa Amazon.com Inc. që ofron shërbimet e shitjes on line përmes Ueb Amazon dhe Microsoft Corp.’s Azure, me një pjesë prej 6% të tregut global të cloud, sipas firmës kërkimore Canalys . AËS dhe Azure së bashku përbëjnë më shumë se gjysmën e tregut, vlerëson firma. Por një përqëndrim strategjik në shërbimet e sektorit të shitjes me pakicë, që parapriu krizën një vit më parë, ka tërhequr klientë me xhepa të thellë si Ëayfair Inc. dhe Etsy Inc.
Sipas të dhënave të Departamentit të Tregtisë së SHBA-ve, ndërsa kriza ka qenë shkatërruese për shitësit e dyqaneve fizike, të cilët u detyruan në të gjithë botën të mbyllen për më shumë se dy muaj, shitjet në internet po lulëzojnë si në dyqanet ushqimore, materialet e ndërtimit dhe dyqanet e luleve, e disa dyqane të mallrave të përgjithshme përfshirë veshjet.
Mike Fisher, zyrtari kryesor i teknologjisë Etsy, tha që tregu në internet në shkurt përfundoi një process të gjatë shpërnguljeje të sistemeve të IT-së në Google Cloud, me 2,000 servera në ambiente.
Kompania fillimisht u tërhoq nga aftësitë e kërkimit dhe të mësimit automatik bazuar në cloud të Google, si një mënyrë për të rritur instrumentet e klasifikimit dhe rekomandimit për blerësit në internet duke futur një grup më të gjerë të variablave në algoritme të zgjuar, tha ai.
“Ne nuk mund të parashikonim kohën më të mirë,” tha z. Fisher. Që nga goditja e pandemisë, ai shtoi, “ne kemi dyfishuar sasinë e të dhënave që përpunojmë.”
Midis prillit dhe qershorit, të ardhurat e Etsy janë më shumë se dyfishi duke shkuar në në 428.7 milion dollarë nga 181.1 milion dollarë një vit më parë, me kategori të tilla si produkte shtëpiake dhe furnizime artizanale në mesin e më të kërkuarve. Gjatë të njëjtës periudhë tre-mujore, blerësit në internet blenë më shumë se 29 milion maska mbrojtëse nga shitësit e pavarur të faqes, tha Etsy.
Pik të ngjashëm trafiku, të tilla si në të Premten e Zezë ose në sezonin e blerjeve të pushimeve, zakonisht kërkojnë miliona dollarë në shpenzime shtesë për qendrat e të dhënave dhe serverët për të siguruar kapacitete të mjaftueshme kompjuterike për të trajtuar sasi masive të përpunimit të të dhënave, tha z. Fisher. Me sistemet e IT të tij në Cloud, shtoi ai, “ne mund ti shtojmë në pak ditë dhe jo me muaj.”
Ofruesit e cloud u ngarkojnë kompanive një normë të negociuar për të marrë me qira aftësinë informatike dhe aplikacionet mbi baza të nevojshme.
“Shumë klientë po shkojnë përtej parashikimeve të tyre më të shfrenuara,” tha Carrie Tharp, i cili mbikëqyr strategjinë e shitjes me pakicë dhe të konsumatorit në Google Cloud.
Ajo tha se kompanitë që po zgjeronin gradualisht përdorimin e tyre të shërbimeve cloud, i kanë përshpejtuar këto përpjekje gjatë pandemisë. Të tjerët iu qasën Google për t’ju përgjigjur shpejtë ndryshimit të kërkesës që evoluonte, të tilla si aplikacionet e porosive në restorant, mjetet e ndjekjes së shitjeve dhe inventarit ose qendrat digjitale të thirrjeve.
Google në korrik raportoi një rritje të të ardhurave prej 43% nga shërbimet e saj informatike cloud gjatë tremujorit të dytë – rritje paksa më e ngadaltë se njësia e re e Microsoft, e cila ka më shumë se katër herë të ardhura se Google. Megjithëse Google nuk i ndan të dhënat e të ardhurave nga cloud sipas sektorit, ajo thotë se nga shtatë gushti rishitësit me pakicë më të mëdhenj në botë janë klientë të saj.
“Google Cloud është shumë i përqendruar në gjashtë vertikale bazë mes tyre në shitjet me pakicë,” sesa shërbime cloud me qëllim të përgjithshëm, tha Alex Smith, drejtor i lartë i kanaleve në Canalys.
Z. Smith tha që Google ka përshtatur shërbimet e tij cloud për t’iu përshtatur nevojave të shitësve të mëdhenj që mbështeten në sasi masive të të dhënave, duke ofruar mjete analitike me bazë cloud, shërbime të qendrës së kontaktit dhe motorë rekomandimesh – të gjitha këto gjithnjë e më shumë mundësohen nga inteligjenca artificiale.
Por ndërsa një valë e konsumatorëve iu drejtua blerjeve nga shtëpia, në mes të bllokimeve dhe masave të tjera të sigurisë, shumica e shitësve me pakicë thjesht kishin nevojë për aftësi kompjuterike fleksibël për tiu përshtatur të paprituarev, tha znj. Tharp.
Ëayfair, një treg në internet për dekorimin e shtëpive i cili raportoi një rritje prej 84% në të ardhurat e tremujorit të dytë ose 4.3 miliardë dollarë, kishte zhvendosur sistemet e IT në Google Cloud në janar, si pjesë e një strategjie më të gjerë cloud-hibrid.
Masa kishte për qëllim të përballonte dyndjet në kapacitetin e nevojshëm për pikun e kërkesave si në Ëay Day, një promovim vjetor i shitjeve në internet në prill, që Google ka shfrytëzuar për fuqinë llogaritëse, ruajtjen, rrjetëzimin dhe aftësi të tjera, tha kompania.
“Kur pandemia u materializua në mes të marsit, kapaciteti në internet ishte fokusi ynë,” tha Hesham Fahmy, nënkryetar i teknologjisë në Loblaë Digital, pjesë e gjigantit të dyqaneve ushqimore Loblaë Cos.
Z. Fahmy tha që zinxhiri kishte shpërngulur platformat e tij të tregtisë elektronike në Google Cloud para krizës, duke i mundësuar kompanisë të ecë me shpejtësi. Fuqia shtesë informatike ishte e nevojshme për të dy proceset; për të rritur porositë në internet dhe për t’i përmbushur ato, tha ai./Burimi: Wall Street Journal /
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
