.png)
Nga Gazeta ‘SI’ – Partia Demokratike po zhvillon protestën e radhës në kryeqytet. Ndryshe nga tubimet e kaluara, kësaj radhe PD ka ndërruar skenar.
Para Kryeministrisë nuk u mbajt asnjë fjalim, ndërsa protestuesit fillimisht u mblodhën fillimisht para selisë së PD dhe bashkë me Berishën marshuan drejt godinës së Kryeministrisë. Asnjë molotov nuk u hodh drejt kryeministrisë, por vetëm në kosha dhe në drejtim të një biznesi në Tiranë.
Qytetarët e kryesuar nga Sali Berisha dhe deputetë të PD marshuan drejt Drejtorisë së Policisë së Shtetit. Aty efektivët i zunë pritë në mes të rrugës, për të mos lejuar që t’i afrohen godinës. Gjatë përplasjeve, protestuesit çanë kordonin e Policisë dhe këta të fundit i shpërndanë me ujë dhe gaz lotsjellës.
Më pas PD u orientua drejt qendrës dhe më pas në zonën e ish-Bllokut, ku u hodhën breshëri molotovësh gjatë rrugëve dhe tek vila e ish-diktatorit komunist, Enver Hoxha.
Deri më tani nuk raportohen të lënduar nga sulmet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje