Nga Gazeta ‘Si’- Kremlini ka deklaruar se Rusia do të ofrojë ndihmë ushtarake për Korenë e Veriut nëse është e nevojshme.
Sipas mediave të huaja, komentet vijnë pasi Pheniani konfirmoi se kishte dërguar trupa për të luftuar për Rusinë.
Agjencia shtetërore e lajmeve RIA citoi zëdhënësin e Kremlinit, Dmitry Peskov, të ketë thënë se roli i Koresë së Veriut në rajonin Kursk të Rusisë tregoi efektivitetin e një traktati të nënshkruar nga Vladimir Putin dhe Kim Jong Un vitin e kaluar.
Ai tha se pakti përfshinte që Rusia mund të ndihmonte Korenë e Veriut në këmbim nëse do të ishte e nevojshme.
Kujtojmë se më herët Moska njoftoi se rajoni i Kurskut është ‘pastruar’ plotësisht nga trupat ukrainase.
Presidenti Trump ka ashpërsuar retorikën e tij ndaj Rusisë gjatë ditëve të fundit, pas një takimi që zhvilloi me Volodymyr Zelenskyn në Vatikan, gjatë varrimit të Papa Franceskut.
Më herët, Presidenti rus Vladimir Putin shprehu mirënjohjen e tij personale për liderin e Koresë së Veriut Kim Jong Un teksa vlerësonte rolin e ushtarëve të Koresë së Veriut në dëbimin e trupave ukrainase nga rajoni rus i Kursk.
“Miqtë tanë koreanë vepruan me një ndjenjë solidariteti, drejtësie dhe miqësie të vërtetë. Ne e vlerësojmë shumë këtë dhe i jemi sinqerisht personalisht mirënjohës kryetarit të Komisionit të Çështjeve Shtetërore, shokut Kim Jong Un, të gjithë udhëheqjes dhe popullit të DPRK”, thuhet në deklaratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
