.png)
Barcelona është klubi me shifrën më të lartë të pagave në “Santander League”, me 656,429,000 milionë euro në sezon. La Liga ka rillogaritur kufijtë e pagave, pasi ka mbaruar merkatoja e dimrit, ku rezultojnë 15 milionë euro më pak se në fillim të sezonit. “Ka pasur lëvizje, që e kanë zvogëluar shifrën e pagave”, – deklaron Pepe Guerra, drejtori i Ligës Spanjolle.
Real Madridi mbetet skuadra e dytë, me kufirin më të lartë të pagave në La Liga, me 641 milionë euro. Pas blaugrana-ve dhe Los Blancos, vendin e tretë në këtë listë e mban Atlético Madrid, me pothuajse 300 milionë euro diferencë. “Rojiblancos” kapin shifrën e 348.5 milionë eurove.
Ky limit i kostos së pagave është shuma maksimale që secili klub mund të konsumojë gjatë sezonit 2019-2020, pas merkatos së dimrit, dhe që përfshin shpenzimet për lojtarët, trajnerin e pare dhe të dytë, përgatitësin fizik të ekipit të parë. Ky limit, gjithashtu, përfshin shpenzimet për filialet, akademitë dhe seksione të tjera. Konceptet që përfshihen në kufirin e kostos së stafit të regjistruar janë: pagat fikse dhe të ndryshueshme, sigurimet shoqërore, shpërblimet kolektive, shpenzimet e blerjes (përfshirë komisionet për agjentët) dhe amortizimet (shuma e blerjes së lojtarit e ngarkuar çdo vit, në varësi në numrin e viteve të kontratës së lojtarit).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
