Gazeta Si – Kryetari i Bashkisë së Kamzës, Rakip Suli është paraqitur këtë të hënë në godinën e SPAK, ku ka qëndruar pë rreth 4 orë e gjysmë.
Burime paraprake, bëjnë me dije se ai ka dhënë shpjegime në lidhje me kallëzimin që ka bërë ndaj paraardhësit të tij në detyrën e kreut të Bashkisë së Kamzës, Xhelal Mziu.
Sulmi hyri në godinën e Prokurorisë së Posaçme në orën 10:00 dhe ka dalë prej andej rreth orës 14:30.
Ndëkohë Xhelal Mziu u pyet më 27 korrik për rreth 3 orë nga Prokuroria e Posaçme, hetimet ndaj të cilit nisën pas kallëzimit të Rakip Sulit.
Ky i fundit ka paraqitur denoncimin sa u përket kontratave të firmosura për lejet e ndërtimit. Ai e akuzon për abuzim me tenderët në kohën që mbante postin e kryetarit të Bashkisë së Kamzës.
Sipas ligjit duhet që kompanitë të japin deri në 3% të sipërfaqes në pronësi të bashkisë duke pretenduar se kjo nuk është realizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
