OSHEE i ka propozuar Entit Rregullator të Energjisë që për janarin, bizneset të pagujnë 18.8 lekë/kwh.
Janë 7.440 biznese të lidhura në tensionin e mesëm 20, 10, 6 kilovat që përfshihen në këtë propozim.
Më herë, Ministria kishte deklaruar se çmimi do të luhatet nga 18-22 lekë.
Bizneset janë tashmë pjesë e liberalizimit të pjesshëm dhe mund të marrin energji direkt nga kompanitë publike me çmime preferenciale.
Kjo nismë u propozua nga qeveria duke shpresuar se kështu do të nxitet ulja e çmimit të energjisë, të paktën deri në qershor 2022 dhe më pas bizneset mund të jenë plotësisht në treg të lirë.
Ndërkohë bizneset e tjera që kanë dalë më herët në tregun e lirë siç janë ato në 35 kilovolt po vazhdojnë të furnizohen me çmimet reale që rezultojnë nga ankandet të cilat janë më të larta, mbi 30 lekë/kwh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
