Gazeta Si- Gjatë operacionit kombëtar të quajtur “Fati i lojërave”, Policia ka vënë në pranga 3 shtetas.
“Si rezultat i kontrolleve të ushtruara në ambiente që mund t’i vihen në dispozicion organizimit të kundërligjshëm të lojërave të fatit janë goditur 3 raste të tjera të kësaj veprimtarie, konkretisht, në Krujë, përshtatja e një lokali me makineta dhe kompjuter, si dhe në Tiranë e në Shkodër, vënia e basteve nëpërmjet celularëve”.
Janë vënë në pranga 3 shtetas, shpallet në kërkim 1 shtetas dhe procedohet në gjendje të lirë 1 tjetër.
Janë sekuestruar edhe 4 makineta, 4 celularë dhe 1 kompjuter.
Në Krujë u vu në pranga shtetasi R.P., 32 vjeç, u procedua në gjendje të lirë shtetasi G.N., 52 vjeç dhe u sekuestruan 4 makineta dhe 1 kompjuter.
Në Tiranë, u arrestua shtetasi K.C., 20 vjeç dhe u shpall në kërkim shtetasi R.A., 24 vjeç, pasi vinin baste sportive nëpërmjet disa celularëve që u sekuestruan në cilësinë e provës materiale.
Në Shkodër, në një lokal, u kap në flagrancë shtetasi Sh.V., 56 vjeç, që vinte baste sportive, nëpërmjet celularit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.